एजेन्सी । इन्डियन प्रिमियर लिग (आईपीएल) २०२४ को १० औं खेलमा शुक्रबार कोलकाता नाइट राइडर्स र रोयल च्यालेन्जर्स बेंगलुरु भिड्दैछन् ।
बेलुरुको एम चिन्नास्वामी स्टेडियममा हुनलागेको खेल नेपाली समयअनुसार बेलुकाको ७:४५ बजेदेखि सुरु हुनेछ । यो खेलको टस ७:१५मा हुनेछ ।
बेंगलुरुले विगत आठ वर्षदेखि घरेलु मैदानमा कोलकाताविरुद्ध जित निकालेको छैन। पछिल्लो पटक २०१५ मा बेंगलुरुले कोलकातामाथि जित हासिल गरेको थियो । त्यसयता पाँच खेल भइसकेका छन् र सबैमा कोलकाता विजयी भएको छ।
जारी सिजनमा शुक्रबार बेंगलुरुको तेस्रो र कोलकाताको दोस्रो खेल खेल्दैछ । जसमा बेंगलुरुले एउटा जित र एक हार बेहोरेको थियो । उता कोलकाताले भने विजयी सुरुवात गरेको छ ।
हेड टु हेड
आईपीएलको इतिहासमा कोलकाता बेंगलुरुमाथि हावी रहेको देखिन्छ । आरसीबी र केकेआरबीच अहिलेसम्म ३२ खेल खेलिएका छन् । जसमा कोलकाताले १८ र आरसीबीले १४ खेल जितेको छ । बेंगलुरुको घरेलु मैदान एम चिन्नास्वामी स्टेडियममा यी दुई टोलीबीच अहिलेसम्म ११ वटा खेल भइसकेका छन् । जसमा कोलकाताले ७ र बेंगलुरुले ६ खेलमा जित हात पारेको छ ।
बेंगलुरुका स्टार ब्याट्सम्यान विराट कोहलीले पछिल्लो दुई खेलमा ९८ रन बनाएर टोलीको सर्वाधिक रन बनाउने खेलाडी हुन् । यस अवधिमा उनले अर्धशतक पनि बनाएका छन् । बलिङमा ग्लेन म्याक्सवेल शीर्ष स्थानमा छन् । उनले पहिलो दुई खेलमा २ विकेट लिएका छन् ।
कोलकाताका लागि आन्द्रे रसेलले सर्वाधिक रन बनाएका छन् । उनले एक खेलमा ६४ रन बनाएका छन् । हर्षित रानाको नाममा सबैभन्दा बढी विकेट छ । उनले एक खेलमा तीन विकेट लिएका छन् ।
पिच रिपोर्ट
बैंगलोरको एम चिन्नास्वामी स्टेडियमको पिच ब्याटिङमैत्री छ । यहाँ ब्याट्सम्यानले धेरै रन बनाएका छन् । यो पिचमा स्पिनरहरूले केही सहयोग पाउँछन्।
यस रंगशालामा हालसम्म ८९ आईपीएल खेल भइसकेकोमा पहिले ब्याटिङ गर्ने टोलीले ३७ खेल जितेको छ भने पछ्याउने टोलीले ४८ खेल जितेको छ ।
बेंगलुरुको मौसम अवस्था
शुक्रबार बेंगलुरुमा पानी पर्ने सम्भावना कम छ। आज यहाको तापक्रम ३५ देखि २२ डिग्री सेल्सियस रहनेछ। हावा १३ किलोमिटर प्रतिघण्टाको गतिमा चल्नेछ ।
रोयल च्यालेन्जर्स बैंगलोर बेंगलुरुको प्लेईङ ११:
फाफ डु प्लेसिस (कप्तान), विराट कोहली, रजत पाटीदार, ग्लेन म्याक्सवेल, क्यामरन ग्रीन, दिनेश कार्तिक (विकेटकिपर), अनुज रावत, अल्जारी जोसेफ, मयंक डागर, यश दयाल र मोहम्मद सिराज।
इम्पैक्ट प्लेयर्स: महिपाल लोमर
कोलकाता नाइट राइडर्सको प्लेईङ ११:
श्रेयस अय्यर (कप्तान), वेंकटेश अय्यर, फिल साल्ट, रिंकु सिंह, नितिश राणा, सुनील नारायण, आन्द्रे रसेल, रमनदीप सिंह, मिचेल स्टार्क, हर्षित राना र वरुण चक्रवर्ती।
इम्पैक्ट प्लेयर्स: सुयश शर्मा
