काठमाडौं । नेपाली चलचित्र महाजात्रा अहिले काठमाडौं उपत्यका सहित देशभरका चलचित्र हलमा लागेको छ । यो चलचित्र विदेशका हलहरुमा समेत प्रदर्शन भइरहेको छ ।
चलचित्र हेर्न अहिले दर्शकहरु हलहरुमा पुगिरहेका छन् । यसै क्रममा नेकपा एमालेका अध्यक्ष केपी शर्मा ओलीसहितका नेताहरुले अन्य कलाकारहरुको साथमै रहेर काठमाडौंको सीटीसी मलमा पुगेर महाजात्रा हेरेका छन् ।
अध्यक्ष ओली श्रीमती राधिका शाक्यसहित चलचित्र हेर्न पुगेका थिए । त्यसैगरी एमालेका महासचिव शंकर पोखरेललगायतका नेताहरुले पनि कलाकार हरिबंश आचार्यसँगै बसेर चलचित्र हेरेका छन् ।
