काठमाडौँ । राजस्थान रोयल्सले जितसँगै आईपीएल २०२४ को सुरुवात गरेको छ । भर्खरै सम्पन्न खेलमा राजस्थानले लखनउ सुपर जायन्ट्सलाई २० रनले पराजित गर्यो ।
राजस्थानले दिएको १९४ रनको लक्ष्य पछ्याएको लखनउले २० ओभरमा ६ विकेट गुमाउँदै १७३ रनमात्र बनायो । लखनउका लागि निकोलस पुरनले ६४ रनको अविजित पारी तथा केएल राहुलले ५८ रनको अर्धशतकीय पारी खेलेपनि टोलीको हार टार्न सकेनन् ।
दिपक हुडाले २६ रन जोड्दा लखनउका अन्य ब्याट्सम्यानले दोहोरो अंकमा रन बनाउन सकेनन् । राजस्थानका लागि बलिङमा ट्रेन्ट बोल्टले २ तथा नान्दे बर्गर, आर अश्विन, युजवेन्द्र चहल र सन्दीप शर्माले १–१ विकेट लिए ।
त्यसअघि जयपुरमा टस जितेर ब्याटिङ थालेको राजस्थानले २० ओभरमा ४ विकेट गुमाएर १९३ रन जोड्यो । राजस्थानका लागि कप्तान सञ्जु सामसनले ८२ रनको (नटआउट) योगदान दिए ।
५२ बल खेलेका उनले १५७.६९ को स्ट्राइक रेटमा ६ छक्का र ३ चौका प्रहार गरे । यस्तै रियान परागले ४३, यशस्वी जैसवालले २४ तथा जोस बटलरले ११ रन जोड्दा ध्रुव जुरेल २० रनमा अविजित रहे ।
बलिङतर्फ लखनउका नवीन उल हकले २ तथा मोहसिन खान र रवी बिश्नोईले १–१ विकेट लिए ।
अहिले गुजरात टाइटन्स र मुम्बई इन्डियन्सबीच अहमदाबादमा खेल भइरहेको छ । मुम्बईले टस जितेर पहिले बलिङ रोजेको छ । गुजरातले ब्याटिङ थालिरहेको छ ।
