एजेन्सी । चेन्नई सुपर किंग्स र रोयल च्यालेन्जर्स बैंग्लोरबीच मार्च २२ मा हुने खेलको टिकट बुकिङ सुरु भएको छ । यो आईपीएल २०२४ को उद्घाटन खेल हुनेछ ।
यो खेलको टिकट सोमबार बिहानैदेखि बिक्री सुरु भएको थियो र टिकट खुल्ने वित्तिकै हजारौंको लामो लाइन लागेको थियो । टिकट अनलाइन बिक्री भइरहेको छ। फ्यानहरूले टिकटहरू किन्न अनलाइनमा धेरै प्रयास गरे । तर, हजारौं फ्यानहरू निराश भए ।
टिकट बुकिङ सुरु हुनेबित्तिकै हजारौं फ्यानहरू अनलाइन लाइनमा बसेका थिए । चेन्नई र बैंगलोरको लागि टिकट मूल्य रु १७०० बाट सुरु हुन्छ । बुकिङ सुरु भएको केही समयपछि वेबसाइट पनि क्र्यास भयो । वास्तवमा, खेलको टिकट पेटीएम इनसाइडरमा बिक्री भइरहेको छ ।
यहाँ हजारौंको लामका कारण वेबसाइटले काम गर्न छाड्यो । पेटीएमले सामाजिक सञ्जालमा पनि यसबारे जानकारी दिएको छ । उसले वेबसाइटमा प्राविधिक समस्या रहेको र छिट्टै समाधान गरिने बताएको छ ।
यस खेलका टिकटहरू धेरै दायराका हुन्छन् । यहाँ रु १७०० देखि रु. ७५०० सम्मको टिकट छ । तर हजारौं फ्यानले टिकट पाउन सकेका छैनन् । टिकट नपाएको भन्दै फ्यानले सामाजिक सञ्जालमा धेरै पोस्ट सेयर गरेका छन् । टिकट नपाउँदा फ्यानहरु निकै निराश छन् ।
रेकर्ड हेर्ने हो भने यी दुई टोलीबीच अहिलेसम्म कुल ३१ खेल खेलिएका छन् । यस अवधिमा चेन्नईले २० खेल जितेको छ । जबकि बैंगलोरले १० खेल जितेको छ ।
