काठमाडौं । सबैलाई अनुहार सफा र चम्किलो बनाउन मन पर्छ । तर दिनभरिको दौडधुपले हाम्रो मुहारको चमक हराउछ । अफिसको कामको थकानले गर्दा पनि अनुहार कालो देखिने गर्छ । हामी सबैको दैनिक समस्या हो । हामी अनुहार चम्किलो बनाउनको लागि के गर्दा हुन्छ भनेर जहिले केही न केही सर्च गरेर हेर्छौ या आफ्नो साथिसँग सोध्ने गर्छौ । चर्को घाममा पनि हाम्रो छालाको रङ फिक्का भइदिन्छ । तर अब घरेलु उपायबाट नै चम्किलो बनाउन सक्छौ । यो हाम्रो लागि सुर्वण अवसर हुनसक्छ । आफ्नै घरमा भएका सामानहरुले अनुहारको चमकलाई सधै भरि उज्यालो बनाइ रहन्छ । यस्तो रहेको छ अनुहार चम्किलो बनाउने टिप्सहरु
१) काँचो टमाटरलाई मिचेर मोही हालेर अनुहार र छालामा लगाउनुहोस्, छालालाई शीतलता प्रदान हुनेछ र कालोपना पनि हट्नेछ ।
२) नुहाउने पानीमा एक गिलास लस्सी हालेर नुहाउनाले पनि बिस्तारै बिस्तारै सनटेन हट्नेछ ।
३) एक सानो चम्चा काँक्राको रस, आधा चम्चा ग्लिसरिन र एक चम्चा गुलाबजल मिलाएर घामले डढेको छालामा लगानाले छाला नरम र गोरो हुँदै जानेछ ।
४) टमाटर र दही बराबर मात्रामा लिएर राम्ररी फिट्नुस् र यो मिश्रणलाई छालामा लगाएर १० मीनेटसम्म राख्नुस र चिसो पानीले धुनुहोस् । यो सनबर्नको लागि राम्रो टनिक हो ।
५) काँचो दूधमा गुलाबजल हालेर कपासले छालामा लगाउनुहोस् । यसो गर्दा छालाको पुरै मैला कपासमा आउनेछ ।
६) चन्दन पिसेर त्यसमा गुलाबजलका केही थोपाहरू हालेर बनाइएको लेप अनुहारमा लगाउनाले छालालाई शीतलता पुग्छ ।
७) कागती र मोही मिलाएर लगाउनाले घामका कारणले कालो भएको अनुहारमा निखार आउँछ ।
८) एक चम्चा मख्खन र एक चम्चा पानी मिलाएर फिट्नुस, घाममा डढेको छालामा लगाउनुस् । यसले धेरै नै फाइदाँ गर्छ ।
९) दुई चम्चा काँक्राको रसमा एक चम्चा काँचो दूध हाल्नुस् र यसलाई कपासले अनुहार र गर्धनमा लगाउनुहोस् । यसबाट छालाको छिद्र खुल्छन् र धुलो तथा अतिरिक्त चिल्लोपना हट्छ अर्थात यसले क्लिन्जिङको काम गर्छ ।
१०) एउटा स्याउलाई पिसेर अनुहारमा लेप गर्नुहोस् । आधा घण्टापछि मनतातो पानीले अनुहार सफा गरेपछि छालाको चिल्लोपना काम भएर छालालाई कान्तिमय र नयाँ स्फुर्ती प्रदान भएको अनुभव हुनेछ ।
११) छाला अति नै चिल्लो छ र मेकअप रहँदैन भने बरफको टुक्रा दूधमा भिजाएर अनुहारमा दल्नुस् । यसबाट ताजगी र स्फुर्ती आउनेछ साथै चिल्लोपना रहनेछैन ।
१२) छालामा तुरुन्त स्फुर्ती ल्याउनका लागि कागतीको रस बराबर मात्रामा पानी हालेर त्यसलाई ट्रेमा जमाइदिनुस् । यो आइस क्युबलाई अनुहारमा दल्नुस् । चिल्लोपना नियन्त्रणमा आउँछ । कागतीको रस र त्यसको बोक्रालाई अनुहारमा दल्नाले फाइदाँ हुन्छ । एजेन्सीको सहयोगमा
