काठमाडौँ । बुढानीलकण्ठ भलिबल क्लवले आठौं आरबिबी एनभिए महिला तथा पुरुष भलिबल च्याम्पियनसिपमा सुखद् शुरुवात गरेको छ ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा आईतवार भएको खेलमा बुढानीलकण्ठले पुरुषतर्पm कर्णाली प्रदेशको चुनौती ३–० को सोझो सेटमा नै समाप्त पारेको हो । समूह ‘सी’ को खेलमा बुढानीलकण्ठले सहजै खेल आफ्नो बनाउँदै सुखद् जित निकाल्यो । बुढानीलकण्ठले कर्णालीमाथि २५–१०, २५–१८, २५–१७ को जित निकालेको हो । पुरुषमै सुदूरपश्चिम प्रदेशले पनि जावलाखेल भलिबल प्रशिक्षण केन्द्रलाई हराउँदै अंक खाता खोलेको छ । समूह ‘बी’ को खेलमा सुदूरपश्चिमले जावलाखेललाई २५–२१, २५–१३,२५–१७ ले हरायो ।
पुरुषतर्पm १३ टोलीले प्रतिष्पर्धा गरेका छन् र यी टोलीलाई चार समूहमा विभाजन गरिएको छ । समूह ‘डी’ मा आर्मी र गण्डकीसहित मणिमुकुन्द भलिबल क्लव र न्युटन भलिबल क्लव छन् । समूह ‘ए’ मा हेल्प नेपाल स्पोर्ट्स क्लव, कोशी प्रदेश र ढोरपाटन भलिबल क्लव तथा समूह ‘बी’ मा एपिएफ, सुदूरपश्चिम प्रदेश र जावलाखेल भलिबल प्रशिक्षण केन्द्र, समूह ‘सी’ मा नेपाल पुलिस क्लव, कर्णाली प्रदेश र बुढानीलकण्ठ भलिबल क्लवले चुनौती प्रश्तुत गर्दैछन् । समूहका शीर्ष दुई टोलीले क्वार्टरफाइनल यात्रा यात्रा तय गर्नेछन् ।
आईतवार भएको महिलातर्फ खेलमा विभागीय टोली एपिएफ क्लव र नेपाल पुलिस क्लवले विजयी शुरुवात गरेका छन् । एपिएफले मधेस प्रदेशलाई २५–८, २५–७,२५–२ तथा पुलिसले कर्णाली प्रदेशलाई २५–१२,२५–७,२५–८ ले ले पराजित गरे । महिलामा कुल सात टोलीले प्रतिष्पर्धा गरिरहेका छन् । दुई समूहका शिर्ष दुई टोलीले सेमिफाइनल यात्रा तय गर्नेछन् । समूह ‘ए’ मा एभरेस्ट र कर्णालीसहित गत संस्करणको विजेता नेपाल पुलिस र त्रिभुवन आर्मी क्लव छन् । अर्को समूहमा चन्द्रागिरी नगरपालिका न्यु डायमण्ड स्पोटर््स एकेडेमी, एपिएफ र मधेस प्रदेश छन् ।
नेपाल भलिबल संघको आयोजनामा आठ दिनसम्म चल्ने प्रतियोगितामा दुवै तर्पmका विजेताले पाँच लाख, उपविजेताले दुई लाख र तेस्रो हुने टोलीले एक लाख २५ हजार रुपैयाँ पाउनेछन् ।
