काठमाडौं । जनता समाजवादी पार्टी, नेपालकी सांसद मञ्जु शर्मा अन्सारीको निधनमा शोक प्रस्ताव पारित गर्दै आजको प्रतिनिधिसभा बैठक सकिएको छ ।
बैठकले अन्सारीको परिवारजनमा समवेदना समेत व्यक्त गरेको छ । सांसद शर्मा २०७९ सालको निर्वाचन समानुपातिकतर्फको निर्वाचनबाट जनता समाजवादी पार्टीको तर्फबाट समानुपातिक सांसद बनेकी थिइन् ।
२०४६ सालको जनआन्दोलनको क्रममा राजनीतिक यात्रा सुरू गरेकी ६० वर्षीया मञ्जुको आज बिहान काठमाडौंको सिभिल अस्पतालमा उपचारको क्रममा निधन भएको थियो ।
प्रतिनिधिसभाको अर्को बैठक चैत्र ५ गते (भोलि) बिहान ११ बजे बस्नेछ ।
