काठमाडौँ । सर्लाहीमा बस जलाइएको छ । साइकल यात्रीलाई ठक्कर दिएको बसलाई स्थानीयले जलाएका हुन् ।
मलंगवातर्फ जाँदै गरेको ग२ख १४४० नम्बरको बसले कविलासी नगरपालिका १० सलेमपुरमा स्थानीय जुगल महतोलाई साढे १० बजेतिर ठक्कर दिएको हो ।
ठक्करबाट जुगल गम्भीर घाइते भएपछि आक्रोशित स्थानीयले बसमा आगजनी गरेका हुन् । आगजनीबाट बसमा पूर्णरुपले क्षति पुगेको छ ।
महतोको प्रादेशिक अस्पताल मलंगवामा उपचार भइरहेको छ । घटनाबारे थप अनुसन्धान भइरहेको प्रहरीले जनाएको छ ।
