एजेन्सी । पाकिस्तान सुपर लिग (पीएसएल)को २६ औं खेल लाहोर कलन्दर्स र कराँची किंग्सबीच भएको छ । यस खेलमा कराँची किंग्सले लाहोर कलन्दर्सलाई ३ विकेटले पराजित गरेको थियो ।
उक्त खेलमा कराँची किंग्सका स्टार अलराउन्डर किरोन पोलार्डको ब्याट भाँचिएको भिडियो सामाजिक सञ्जालमा भाइरल भइरहेको छ । इनिङ्सको १३ औं ओभरमा पाकिस्तानी बलर तय्यब अब्बासले अफ स्टम्पबाहिर यस्तो बल प्रहार गरे, जसका कारण पोलार्डको ब्याट दुई टुक्रा भयो ।
भाइरल भिडियोमा देख्न सकिन्छ कि लाहोर कलन्दर्सका बलर तैयब अब्बासले एक बललाई यति गतिमा फाले कि किरोन पोलार्डको ब्याट भाँचियो । पोलार्डले यो बलमा आफ्नो सम्पूर्ण शक्ति लगाएर शट खेलिरहेका थिए तर शट खेलेपछि उनको ब्याट टुट्यो । तैयबले गरेको बल १३७.५ किलोमिटर प्रतिघण्टाको गतिमा थियो, जसलाई देखेर पोलार्ड पनि छक्क परे ।
ब्याटविना पोलार्ड एक रनका लागि दौडिए । त्यसपछि अर्को ब्याट मगाइयो तर अर्को बलमा उनी तय्यबको शिकार बने । पोलार्ड मात्र ३ रन बनाएर सस्तोमा पेभिलियन फर्किए ।
