काठमाडौँ । नेकपा एमालेका उपाध्यक्ष एवं प्रतिनिधिसभा सदस्य विष्णु प्रसाद पौडेलले एमाले, माओवादी केन्द्रसहितका दलहरुबिचको सहकार्यबाट प्रतिनिधिसभाको बाँकी कार्यकाल पूरा हुने विश्वास व्यक्त गर्नुभएको छ ।
साथै, सरकारलाई जनता र राष्ट्रका पक्षका दृढतापूर्वक काम गर्न सुझाव दिनुहुँदै उहाँले सरकारको आलोचना गर्ने प्रतिपक्षको अधिकारमा संकुचन हुनु नहुने पनि प्रस्ट पार्नुभयो । सरकारले गरेका राम्रा काममा रचनात्मक सहयोगको भूमिका निर्वाह गर्न पनि उहाँले प्रतिपक्षलाई आग्रह गर्नुभयो ।
यसमा अन्यथा भाव राखेर सोच्न हुँदैन,’ उहाँले भन्नुभयो, ‘इतिहास कहिल्यै पनि सेलरोटी जस्तो घुम्दैन, स्प्रिङजस्तो घुम्छ ।’
स्वार्थको लेनदेनका आधारमा नभएर देश र जनतालाई केन्द्रमा राखेर सहयात्रा गरिएको भन्दै उहाँले प्रतिनिधिसभाको बाँकी कार्यकाल यही सहयात्राका आधारमा तय हुने दाहोर्याउनुभयो ।
