एजेन्सी । दिग्गज अफ स्पिनर रविचन्द्रन अश्विनले आफ्नो १०० औं टेस्ट अघि भनेका छन् कि उनी आईसीयू ओछ्यानमा सुतिरहेकी उनकी आमा चित्रा रविचन्द्रनबाट राँची टेस्ट खेल्न प्रेरित थिए ।
३७ वर्षीय यी अनुभवी स्पिनरले क्रिकइन्फोलाई भने – ‘जब म अस्पताल पुगेँ, मेरी आमा होश आएपछि फेरि बेहोस हुन लाग्नुभाथ्यो । मलाई त्यहाँ देखेपछि उहाँले पहिलो कुरा साध्नुभो, ‘तिमी किन आयौ ? अर्को पटक होश आयो, उहाँले भन्नुभयो, ुमलाई लाग्छ तिमी फर्किनुपर्छ, किनकि टेस्ट म्याच चलिरहेको छ ।’
तेस्रो टेस्टको दोस्रो दिन अश्विनले ५०० टेस्ट विकेट पूरा गरे । उनी अनिल कुम्बलेपछि ५०० टेस्ट विकेट लिने दोस्रो भारतीय बलर बनेका छन् । खेलको दोस्रो दिन अश्विनले आफ्नी आमा बिरामी भएको थाहा पाए । आमाको अस्वस्थताका कारण तेस्रो खेलको दोस्रो दिन सकिएपछि उनी चेन्नई फर्किएका थिए र बिदामा रहेकाले तेस्रो दिन मैदानमा उत्रेका थिएनन् ।
अश्विनकी आमा बेहोस भएर अस्पतालको आईसीयूमा भर्ना भएकी थिइन् । अफ स्पिनरले आफ्ना आमाबुवा रविचन्द्रन र चित्राको त्याग सम्झँदै भावुक हुँदै भने, ‘मलाई क्रिकेटर बनाउन दुवैले धेरै त्याग गरेका थिए ।’
