काठमाडौं । पछिल्लो २४ घण्टामा देशभर ९६ जना कोरोना भाइरसका संक्रमित थपिएका छन् । बिहिबार ३५४१ मा पिसिआर गर्दा ९६ जनामा कोरोना पुष्टि भएसंगै हालसम्म संक्रमित हुनेको कुल संख्या दुई लाख ७३ हजार १६६ पुगेको छ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा १११ जना निको भएर फर्किएका छन्। योसहित कोरोनाबाट निको हुनेको कुल संख्या दुई लाख ६९ हजार ५९५ पुगेको छ। यसैगरी निको हुनेको दर ९८.७ प्रतिशत छ।
पछिल्लो २४ घण्टामा थप दुई जनाको मृत्यु भएको छ। योसहित कोरोनाबाट मृत्यु हुनेको संख्या २०५८ पुगेको छ।
