काठमाडौं । नेदरल्यान्ड्सले त्रिकोणात्मक टी-२० अन्तर्राष्ट्रिय क्रिकेट शृंखलाको उपाधि जितेको छ ।
त्रिवि मैदानमा भएको फाइनल खेलमा नेपाललाई ४ विकेटले पराजित गर्दै नेदरल्यान्ड्सले उपाधि जितेको हो । नेपालले दिएको एक सय ८५ रनको लक्ष्य पछ्याएको नेदरल्यान्ड्सले १९.३ ओभरमा ६ विकेट गुमाएर पुरा गर्यो ।
नेदरल्यान्ड्सका लागि ओपनर माइकल लेभिटले अर्धशतक बनाए । उनले २९ बलमा ६ चौका र ३ छक्कासहित ५४ रन जोडे । साइब्रान्ड एंगलब्रेक्टले २९ बलमा ४ चौका र ३ छक्कासहित ४८ रन बनाए । म्याक्स ओ’डाउडले २२ रन बनाउदा विक्रमजित सिंहले २९रन बनाए । भान डर गुग्टेन २१ रनमा अविजित रहे।
नेपालको लागि कुशल मल्लले ४ विकेट लिए। यस्तै, दिपेन्द्र सिंह ऐरी र बोहराले एक एक विकेट लिए ।
त्यसअघि किर्तीपूरस्थित टियू मैदानमा टस जितेर पहिला ब्याटिङ रोजेको नेपालले निर्धारित २० ओभरमा ८ विकेट गुमाएर १८४ रन बनाएको थियो।
नेपालका लागि ओपनर आसिफ शेखले सर्वाधिक योगदान दिएका थिए । उनले ३७ बलमा १ चौका र ३ छक्का प्रहार गर्दै ४७ रन बनाए । दोस्रो विकेटका लागि आसिफ र कप्तान रोहित पौडेलले ५९ रनको साझेदारी गरे । रोहितले १९ बलमा ३ चौका र १ छक्कासहित २५ रन बनाएर आउट भए ।
गुलशन झाले २५ बलमा ३ छक्कासहित ३४ रन बनाए । कुशल मल्लले ११ बलमा ३ छक्कासहित २६ रन बनाउदा कुशल भुर्तेलले २० रन जोडे । सोमपाल कामी र प्रतिस जिसी ५ बलमा ६र ६ रन बनाउदै अविजित रहे ।
नेदरल्यान्ड्सका टिम भान डर गुटेन, फ्रेड क्लासेन, माइकल लेविट र साइब्रान्ड इंगलब्रेच्टले २र२ विकेट हात पारे।
