काठमाडौं । त्रिकोणात्क टी-२० सिरिज अन्तरगत आज शनिबार नेपालले नेदरल्यान्ड्ससँग प्रतिस्पर्धा गर्दैछ ।
नेपाल र नेदरल्यान्ड्सबीचको खेल कीर्तिपुरस्थित त्रिवि मैदानमा बिहान ११:३० बजे सुरु हुनेछ । नेपाललाई फाइनलमा पुग्नका लागि आजको खेल जित्नै पर्ने दबाब छ ।
यसअघि हिजो शुक्रबार भएको खेलमा नामिबीयालाई ३ रनले पराजित गर्दै नेपालले फाइनलमा पुग्ने सम्भावना कायमै राखेको थियो ।
यसअघि भएको खेलमा नेपाल नेदरल्यान्ड्ससँग २ रनले पराजित भएको थियो ।
जारी प्रतियोगितामा ३ टोलीले एक अर्काविरुद्ध २-२ खेल खेल्नेछन् । शीर्ष दुई टोली फाइनल खेल्नेछन् ।
