![](https://newspolar.com/wp-content/uploads/2024/03/dasrath-stadium.webp)
काठमाडौँ । नेपालले विश्वकप छनोटमा बहराइनसँगको खेल आफ्नो घरेलु मैदानमा खेल्न नपाउने भएको छ । विश्वकप छनोटका सबै खेलहरु होम एण्ड अवे आधारमा सञ्चालित हुनुपर्छ । त्यसअनुसार पहिलो लेग चैत ८ गते नेपालमा र दोस्रो लेग चैत १३ गते बहराइनमा हुनुपर्ने थियो ।
तर, एसियाली फुटबल महासंघ (एएफसी)ले नेपालको मैदानको कारण देखाएर नेपालको होम गेम काठमाडौंमा गर्न अस्वीकार गरेको छ । अखिल नेपाल फटबल संघ (एन्फा)ले शुक्रबार एक सूचना जारी गर्दै चैत ८ गते हुने भनिएको होम गेम नेपालमा नहुने उल्लेख गरेको छ ।
‘घरेलु मैदानमा खेल्नुपर्ने खेल देश बाहिर हुनेछ, जसको घोषणा छिट्टै गरिनेछ’, एन्फाले स्रचनामा भनेको छ । चैत १३ गते नेपालले अवे खेल बहराइमै खेल्ने छ । तर होम गेमका लाग भने अर्को स्थान नेपालले नै प्रस्ताव गर्नेछ ।
बहराइनले नेपालको घरेलु मैदान दशरथ रंगशालामा खेल्न स्तरीय नभएको भन्दै एएफसीमा उजुरी गरेको थियो । त्यो उजुरीपछि एफएफसीको टोली आएर मैदानको निरीक्षण गरेका थिए ।