काठमाडौँ । एथ्लेटिक बिल्वाओ स्पेनिस कोपा डेल रे को फाइनलमा प्रवेश गरेको छ । गएराति भएको दोस्रो लेगको खेलमा एट्लेटिको मड्रिडलाई ३–० गोलले पराजित गर्दै समग्रमा ४–० को नतिजासहित बिल्वाओ फाइनलमा पुगेको हो ।
खेलको १३ औं मिनेटमा नै बिल्वाओले इनाकी विलियम्सको गोलबाट सुरुवाती अग्रता लिएको थियो । त्यसपछि ४२ औं मिनेटमा निको विलियम्सले र ६१ औं मिनेटमा गोर्का गुरुजेटाले गोल थपे ।
अब एथ्लेटिक बिल्वाओले उपाधिका लागि मल्लोर्कासँग खेल्नेछ । फाइनल खेल अप्रिल ६ मा हुनेछ ।
