काठमाडौँ । जावलाखेल यूथ क्लब केपी ओली कप राष्ट्रिय फुटबल प्रतियोगिताको सेमिफाइनलमा प्रवेश गरेको छ ।
एन्फा कम्प्लेक्स सातदोवाटोमा मङ्गलबार भएको खेलमा आयोजक केपी ओली एफसीलाई जावलाखेलले २–१ गोलले हराउँदै अन्तिम चारमा स्थान बनाएको हो । जावलाखेललाई जित दिलाउन नीराजन धामी र निरज चौधरीले गोल गरे ।
केपी ओली एफसीका लागि पेपे एडमा डोम्बियाले एक गोल फर्काए । अब जावलाखेलले सेमिफाइनलमा न्युरोड टिम (एनआरटी)सँग प्रतिस्पर्धा गर्नेछ ।
