काठमाडौं । एनएमबि म्यूचूअल फन्ड अन्तर्गततको एनएमबि ५० को प्रतिइकाई खुद सम्पति बढेको छ । उक्त सम्पतिको मूल्य (न्याभ) माघ मसान्तसम्ममा १६ रुपैयाँ ०२ पैसा कायम भएको छ । पुस महिनाको भन्दा १ रुपैयाँ ३७ पैसाले बढेको हो ।
एनएमबि ५० को प्रतिइकाई खुद सम्पति पुस महिनामा न्याभ १४ रुपैयाँ ६५ पैसा रहेको थियो । एक महिनाको अवधिमा सूचीकृत कम्पनीको सेयरमा लगानी १० करोड ४५ लाख ५ हजार रुपैयाँले बढेर १ अर्ब ३४ करोड ७२ लाख ६८ हजार रुपैयाँ पुगेको छ ।
पुस महिनामा सूचीकृत कम्पनीको सेयरमा लगानी १ अर्ब २४ करोड २७ लाख ६३ हजार रुपैयाँ थियो । यता, बैंक मौज्दात पनि ७ करोड ९१ लाख ७३ हजार रुपैयाँले बढेर २६ करोड ६९ लाख ६३ हजार रुपैयाँ पुगेको छ । पुस महिनामा बैंक मौज्दात १८ करोड ७७ लाख ९० हजार रुपैयाँ थियो ।
यस अवधिमा यो फन्डले ४७ वटा सूचीकृत कम्पनीको सेयरमा लगानी गरेको छ । सबैभन्दा धेरै एनआइसी एसिया बैंकको सेयरमा लगानी रहेको छ । यस बैंकको ६८ हजार ४२ कित्ता सेयरमा ६ करोड ४ लाख ८९ हजार रुपैयाँ लगानी गरेको छ ।
