एजेन्सी । सन् १९१६ मा बेलायतमा भएको बकिङ्घममा एक क्षयरोगीको बासस्थानमा एक घटना घट्यो । क्षयरोगीको बासस्थानमा ती क्षयरोगीलाई नजिकैको गिर्जाघरमा बजाइने गरेको घण्टीको आवाजले आफ्नो स्वास्थ्य झन् खराब हुँदै गएको अनुभूति भयो।
उनीहरुले घण्टीको आवाजका कारण आफ्नो स्वास्थ्यमा नकारात्मक असर परेको उल्लेख गरी अदालतमा मुद्दा दायर गरेका थिए । अदालतले तीन जना विशिष्ट वैज्ञानिकलाई घण्टाको आवाजको प्रभाव बारे अध्ययन गर्न लगायो।
ती वैज्ञानिकले ७ महिना लगाएर घण्टीको आवाजको प्रभावको बारेमा खोज–अनुसन्धान गरेका थिए । उनीहरुले घण्टीको आवाजको प्रभावले क्षयरोगीलाई लाभ पुग्ने निष्कर्ष निकालेका थिए ।
क्षयरोग मात्र नभएर घण्टाको आवाज अन्य रोगहरुमा पनि उपयोगी हुन सक्ने ती वैज्ञानिकले बताएपछि अदालतलाई मुद्दा छिन्न सजिलो भएको कुरा ‘दैनिक पूजाविधि तथा वार्षिक पर्व निर्देशिका’ नामको कर्मकाण्डको पुस्तकमा उल्लेख गरिएको छ।
