काठमाडौँ । आईसीसी विश्व कप लिग-२ अन्तर्गत नेदरल्यान्ड्स विरुद्ध नेपालले चार विकेट गुमाएको छ ।
नेपालले चौथो विकेटमा कप्तान रोहित पौडेललाई गुमाएको हो । उनी २४ औ ओभरको तेस्रो बलमा १६ रन बनाउदै आर्यन दत्तको बलमा क्याच आउट भए ।
कीर्तिपुरस्थित टियू क्रिकेट मैदानमा नेदरल्यान्ड्ससँग टस हारेर ब्याटिङ गरिरहेको नेपालले ताजा स्थितीमा २५ ओभरमा ४ विकेट गुमाएर ८७ रन बनाएको छ । अहिले क्रिजमा कुशल भुर्तेल ४१ र दिपेन्द्र सिंह ऐरी रहेका छन् ।
यसअघि नेपालले पहिलो विकेटका रूपमा ओपनर आसिफ शेखलाई गुमाएको थियो । उनी २७ बलमा एक छक्का र दुई चौका हिर्काउदै १७ रन बनाउँदै आउट भएका थिए ।
दोस्रो विकेटमा सात रन बनाउँदै अनिल शाह आउट भएका थिए । त्यसपछि तेस्रो विकेटमा कुशल मल्ल आउट भएका थिए । उनी १३औँ ओभरको अन्तिम बलमा २ रन बनाएर पेभेलियन फर्किएका थिए ।
