काठमाडौँ । इंग्लिस प्रिमियर लिग फुटबलमा म्यान्चेस्टर युनाइटेड पराजित भएको छ । गएराति भएको खेलमा युनाइटेड आफ्नै घरेलु मैदान वल्र्ड ट्राफोर्डमा फुलहमसँग १–२ गोलले पराजय बेहोरेको हो ।
खेलको ६५ औं मिनेटमा काल्भिन बस्सीले गोल गर्दै फुलहमलाई सुरुवाती अग्रता दिलाएका थिए । ८९ औं मिनेटमा ह्यारी म्याग्वेरले गोल गर्दै युनाइटेडलाई १–१ गोलको बराबरीमा ल्याए ।
खेल सकिनै लाग्दा इन्जुरी समयमा (९०+७ औं मिनेटमा) एलेक्स इओबीले गोल गर्दै फुलहमलाई जित दिलाए । २६ खेलबाट ४४ अंकसहित युनाइटेड तालिकाको छैटौं स्थानमा छ । फुलहम ३२ अंकका साथ १२ औं स्थानमा छ ।
