• ९ श्रावण २०८१, बुधबार
  •      Wed Jul 24 2024
  •   Unicode
Logo
Latest
★   भेडेटारको स्काइ वाक निर्माण सकियो, शुक्रबार मुख्यमन्त्रीले उद्घाटन गर्ने ★   सहज स्तरोन्नतिका लागि इजिप्टले सघाउने ★   टीकापुरमा चितुवाको त्रास ★   हिमा नदी र मार्सी धान खेती, फोटोले नै खिच्यो प्रधानमन्त्री ओलीको मन ! ★   कर्णाली प्रदेशमा आज भारी वर्षा हुने, बाढी र पहिराेको चेतावनी ★   पूर्वमुख्यमन्त्री कार्कीले शौचालयमा थुनेर कुट्ने धम्की दिएपछि सचिव भट्टराईले गुहारे प्रशासन ★   नेपाल एसिया कपबाट बाहिरियो ★   प्रधानमन्त्री ओलीले भने– विद्युत् प्राधिकरणसँग मतभेद छैन, उद्योगीसँग बक्यौता उठाइन्छ ★   अमेरिकास्थित नेपालीको सहयोगमा अनाथ आश्रमका बालबालिकालाई स्कुल भ्यान ★   मदन पुरस्कारका लागि पाँच कृति छनोटमा

विराट कोहली र अनुष्का शर्माका छोरा ‘अकाय’ ले बेलायतको नागरिकता पाउँछन् ?



एजेन्सी । भारतीय ब्याट्सम्यान विराट कोहली र बलिउड अभिनेत्री अनुष्का शर्माको परिवार अहिले झनै ठूलो भएको छ । हालै १५ फेब्रुअरीमा अनुष्का शर्माले छोरालाई जन्म दिएकी थिइन्, जसको खुशी जोडीले २१ फेब्रुअरीमा सामाजिक सञ्जालमा एक विज्ञप्ति जारी गर्दै फ्यानसँग बाँडेकी हुन् । अनुष्का–विराटले छोराको नाम ‘अकाय’ राखेका छन् ।

अनुष्का शर्माको गर्भावस्थाको खबर लामो समयदेखि आइरहेको थियो तर यो जोडीले आफैंले यसबारे आधिकारिक जानकारी दिएका छैनन् । अनुष्का शर्माले आफ्नो छोरालाई भारतमा नभई लण्डनमा जन्म दिएकी हुन् ।

यस्तो अवस्थामा सामाजिक सञ्जालमा धेरै प्रयोगकर्ताहरूले यो जोडीलाई बेलायती नागरिकताका कारण लण्डनमा ‘अकाय’लाई जन्माएको र जन्मपछि बेलायती नागरिक भनिने भन्दै ट्रोल गरिरहेका छन् ।

स्पोर्टस टकका रिपोर्टका अनुसार अनुष्का शर्मा र विराट कोहलीका छोरा अकायको जन्म बेलायतमा भएको हुनसक्छ, तर त्यही देशमा मात्र जन्मेर त्यहाँको नागरिकता दिइँदैन । यसमा यो पनि दाबी गरिएको छ कि बेलायती नागरिकता प्राप्त गर्नका लागि बाबुआमा दुई मध्ये एक बेलायती नागरिक हुनुपर्ने वा उनीहरु मध्ये एक लामो समयदेखि त्यहाँ बसोबास गरेको हुनुपर्ने शर्त राखिएको छ ।

अनुष्का र विराट दुवै भारतका नागरिक भएकाले ‘अकाय’ले बेलायती नागरिकता नपाउन सक्छन् । यस रिपोर्टमा यो पनि भनिएको छ कि उनका बाबुआमाको बेलायतमा सम्पत्ति छ, यस्तो अवस्थामा ‘अकाय’सँग बेलायतको राहदानी हुनेछ, तर उनलाई भारतीय नागरिक भनिनेछ ।

अनुष्का शर्मा र विराट कोहलीले तीन वर्ष एकअर्कालाई डेट गरेका थिए । अनुष्का शर्मा विराट कोहलीको खेल हेर्न स्टेडियम पुगेपछि उनीहरुको अफेयरको खबर बाहिर आएको थियो ।

दुवैले इटालीमा डिसेम्बर ११, २०१८ मा परिवार र नजिकका साथीहरूको उपस्थितिमा विवाह गरेका थिए । अनुष्का–विराटले सन् २०२१ को जनवरी ११ मा छोरी ‘वामिका’ लाई स्वागत गरेका थिए ।