काठमाडौँ । राष्ट्रिय फुटबल टोलीका कप्तान गोलकिपर किरण चेम्जोङलाई पुत्र लाभ भएको छ । मेडिसिटी अस्पतालमा पत्नी कन्चन निरौलाले शुक्रबार दिउँसो पुत्रलाई जन्म दिएकी हुन् । उनीहरुको यो पहिलो सन्तान हो ।
किरण र कन्चन गत वर्ष भदौ १५ मा वैवाहिक बन्धनमा बाँधिएका थिए । उनीहरुले प्रेम सम्बन्धलाई विवाहमा परिणत गरेका थिए । किरण पन्जाब एफसीबाट इन्डियन सुपर लिग (आइएसएल)मा व्यवसायिक फुटबल खेल्दै आएका छन् ।
किरण भारतबाट दुई दिन अघिमात्रै स्वदेश फर्किएका थिए ।
