काठमाडौं । प्रतिनिधि सभा सदस्य चन्द्रकान्त भण्डारीले बाँदर नियन्त्रणका लागि अहिले बाँदरको बन्ध्याकरणको कुरा उठिरहेको भन्दै उनले किसानले पाउने अनुदान खाने बाँदरलाई चाहीँ के गर्ने ? भनेर प्रश्न गर्नुभएको छ ।
आज (बिहीबार) प्रतिनिधि सभाको बैठकलाई सम्बोधन गर्दै उहाँले बाँदरको बन्ध्याकारण भन्दा पनि वनमा चिउरी लगायतका रुखहरु रोप्नु उपयुक्त हुने बताउनु भयो ।
उहाँले भन्नुभयो ‘किसानहरुलाई बाँदरले दु:ख दिइरहेको छ । मैले सुन्दैछ– बाँदरको बन्ध्याकरण गर्ने भन्ने । किसानले पाउने अनुदान खाने बाँदरलाई के गर्ने त रु किसानले सस्तो मूल्यमा दिएर चर्को मूल्यमा बजारमा लैजाने बाँदरलाई के गर्ने त ?’ ।
नेता भण्डारीले वन जंगलमा खाने कुराको अभाव भएका कारण बाँदरहरु गाउँ परेर किसानलाई दु:ख दिएको बताउनु भयो ।उहाँले भन्नुभयो विदेशीहरुले २० वर्षअघि वनमा सल्लो लगाउने सल्लाह दिँदा वनमा खानेकुरा केही नपाएर बाँदरहरु बस्तीमा प्रवेश गरेको हुन् ।
फोटो- प्रदीपराज वन्त/रासस
