काठमाडौँ । एकदिवसीय सिरिजको अन्तिम तथा तेस्रो खेलमा नेपाल ‘ए’ ले आज क्यानडा ११ को सामना गर्दैछ । यी दुई टिमबीचको निर्णायक खेल बिहान साढे ९ बजेदेखि मूलपानी क्रिकेट मैदानमा सुरु हुनेछ । सिरिजमा दुवै टिमले एकरएक खेल जितेका छन् ।
श्रृंखलाको पहिलो खेलमा क्यानडा इलाभेन तथा दोस्रो खेलमा नेपाल ‘ए’ विजयी भएको थियो । बिहीबार खेल जित्ने टिम सिरिज आफ्नो पक्षमा पार्नेछ । नेपाल ‘ए’ ले क्रिकेट इतिहासमै पहिलो सिरिज खेलिरहेको हो । डेब्यू सिरिज नै आफ्नो पक्षमा पार्दै इतिहास रच्ने लक्ष्यका साथ र्मदान उत्रनेछ ।
पहिलो खेलमा ४ विकेटको हार बेहोरे पनि नेपालले क्यानडालाई अन्तिमसम्म कडा टक्कर दिएको थियो । दोस्रो खेलमा नेपाल ‘ए’ ले थप उत्कृष्ट प्रदर्शन गर्दै दुई विकेटको रोमाञ्चक जित निकाल्यो ।
