• १२ बैशाख २०८१, बुधबार
  •      Wed Apr 24 2024
  •   Unicode
Logo

लिभरपुलको सहज जित



काठमाडौँ । इंग्लिस प्रिमियर लिग फुटबल अन्तर्गत लिभरपुलले सहज जित निकालेको छ । गएराति भएको खेलमा लिभरपुलले लुटन टाउनलाई ४–१ गोलले पराजित गरेको हो । घरेलु मैदान एनफिल्डमा लिभरपुलले चार गोल नै दोस्रो हाफमा गरेको हो ।

खेलको १२ औं मिनेटमा चिएडोजी ओग्बेनेले गोल गर्दै लुटनलाई सुरुवाती अग्रता दिलाएका थिए । खेलको ५६ औं मिनेटमा भ्यान डाइक, ५८ औं मिनेटमा कोडी गाक्पो, ७१ औं मिनेटमा लुइस डियाज र ९० औं मिनेटमा हार्भी एलिओटले गोल गर्दै लिभरपुललाई फराकिलो जित दिलाए ।

जितसँगै लिभरपुलले दोस्रो स्थानको म्यान्चेस्टर सिटीसँग चार अंकको अग्रता बनाएको छ । लिभरपुलको २६ खेलबाट ६० अंक छ । एक खेल कम खेलेको सिटीको ५६ अंक छ । लुटन भने २५ खेलबाट २० अंकका साथ १८ औं स्थानमा छ ।