काठमाडौं । प्रधानमन्त्री पुष्पकमल दाहाल ‘प्रचण्ड’ले शान्तिक्षेत्रको प्रस्तावका बारेमा पार्टी भित्र सकारात्मक रुपमा छलफल भै रहेको जनाउनु भएको छ ।आज दिउँसो राष्ट्रिय प्रजातन्त्र पार्टीका अध्यक्ष राजेन्द्र लिङ्देन नेतृत्वको केन्द्रीय प्रतिनिधिमण्डलसँगको भेटमा प्रधानमन्त्री प्रचण्डले सो कुरा बताउनुभएको हो ।
भेटमा प्रधानमन्त्री दाहालले भन्नुभयो ‘भू राजनीतिको सम्बेदनशिलताका कारण पनि शान्तिक्षेत्रको प्रस्ताबको सान्दर्भकिता बढेको छ । यस बारेमा पार्टी भित्र पनि सकारात्मक रुपमा छलफल भै रहेको छ ।’
उहाँले राजनीति सम्भावनाको खेल भएको जनाउदै फेरी मुलुका युद्ध वा अन्य कुनै हिसां नहोस भन्नेका सबै सचेत हुनु पर्ने बताउनु भयो । उहाँले सक्रमणकालीन न्याय सम्बन्धी बिधेयकमा दलहरु , पीडित र अन्तराट्रिय समुदायको सहमति भै सकेको जनाउदै केही दिन भित्र नै संसदबाट पारित हुने बताउनु भयो ।
उहाँले भन्नुभयो ‘शान्तिप्रक्रिया टुङ्याउन पहल गरिरहेका छौँ, त्यसमा सकारात्मक सहयोग रहोस् राप्रपाल पनि साथ देओस । ‘
सन् १९७३ को सेप्टेम्बरमा अल्जेरियामा सम्पन्न असंलग्न राष्ट्रहरूको शिखर सम्मेलनमा राजा वीरेन्द्रले शान्ति क्षेत्र प्रस्तावको अवधारणा पहिलो पटक अघि सार्नुभएको थियो । पञ्चायती व्यवस्थाको अन्त्यसम्म आइपुग्दा यो प्रस्तावको विश्वका १ सय ३० राष्ट्रहरूले समर्थन गरेका थिए।
