एजेन्सी । फास्ट बलर मुस्ताफिजुर रहमान बंगलादेश प्रिमियर लिग–२०२४ (बीपीएल)को प्रशिक्षणका क्रममा घाइते भएका छन् । ्उनलाई अस्पतालमा भर्ना गरिएको छ ।
आइतबार बिहान जोहुर अहमद चौधरी रंगशालामा कुमिल्ला भिक्टोरियन्सको टोलीले खेलपूर्व प्रशिक्षण गरिरहेको थियो । रहमान बलिङ गर्न तयार हुँदा अन्य नेटमा ब्याटिङ गरिरहेका लिटन दासको धारदार शट उनको टाउकोको पछाडि लागेर उनी चोटिल भए ।
टाउकोबाट रगत बग्न थाल्यो । यस्तो अवस्थामा उनलाई हतार हतार इम्पेरियल अस्पतालको आकस्मिक इकाईमा भर्ना गरिएको थियो ।
टोलीका फिजियो एसएम जाहिदुल इस्लाम सजलले एक विज्ञप्ति जारी गर्दै भनेका छन्, ‘ट्रेनिङका क्रममा एउटा बल मुस्ताफिजुर रहमानको टाउकोको बायाँ छेउमा लागेको थियो । हामीले रक्तस्राव रोक्नको लागि कम्प्रेसन ब्यान्डेज बाँधेर तुरुन्तै उनलाई इम्पेरियल अस्पतालमा भर्ना गर्यौं ।’
क्रिकबजका अनुसार सीटी स्क्यानले रहमानको आन्तरिक रक्तस्राव नभएको खुलासा गरेको छ । उनको चोट गम्भीर छैन । उनको टाउकोको बाहिरी भागमा चोट लागेको छ । यस्तो अवस्थामा रहमानको चोट गम्भीर छैन र उनी केही दिनमा निको हुनेछन् ।
कुमिल्ला भिक्टोरियन्सले सोमबार फेब्रुअरी १९ मा सिलहट स्ट्राइकर्ससँग खेल्ने छ । यस्तो अवस्थामा रहमानलाई त्यो खेल खेल्न गाह्रो छ । टोलीले यी फास्ट बलर बिना नै जानुपर्छ । रहमानले लिगको यो सिजन ९ खेलमा ११ विकेट लिएका छन् ।
