काठमाडौँ । नेपाल ‘ए’ क्रिकेट टिमले आज पहिलो खेल खेल्दैछ । विनोद भण्डारी कप्तानीमा पहिलो पटक घोषणा गरिएको नेपाल ‘ए’ टिमले आइतबारदेखि क्यानडाविरुद्ध तीन खेलको सिरिज खेल्न लागेको हो । खेल बिहान ९:३० बजे सुरु हुनेछ ।
सबै खेल मुलपानीस्थित क्रिकेट मैदानमा हुनेछन् । नेपाल ए को मुख्य प्रशिक्षकमा ज्ञानेन्द्र मल्ल रहेका छन् । नेपाल ए टिममा अधिकांश युवा खेलाडीलाई मौका दिएको छ । यो टिममा प्रधानमन्त्री कप क्रिकेट र यू–१९ विश्वकप क्रिकेट खेलेर खाएका अधिकांश खेलाडीलाई स्थान दिइएको छ ।
नेपाल ‘ए’ टिम:
विनोद भण्डारी (कप्तान), प्रतिश जी.सी, आशुतोष घिरैया, रसिद खान, अर्जुन कुमाल, रिजन ढकाल, बशीर अहमद, सागर ढकाल, विवेक यादव, शाहब आलम, हेमन्त धामी, सन्दीप जोरा, किरण ठगुन्ना, शेर मल्ल, मयन यादव, सुजन थपलिया ।
