• १० श्रावण २०८१, बिहीबार
  •      Thu Jul 25 2024
  •   Unicode
Logo

टेस्ट क्रिकेटमा ५०० विकेट लिने दोस्रो भारतीय बने अश्विन, यस्ता छन् अन्य कीर्तिमान



एजेन्सी । भारतीय अफ स्पिनर रविचन्द्रन अश्विनले टेस्ट क्रिकेटमा आफ्नो ५०० विकेट पूरा गरेका छन् । उनी यो उपलब्धि हासिल गर्ने दोस्रो भारतीय बलर बनेका छन् । यसअघि अनिल कुम्बलेले १०५ खेलमा यो उपलब्धि हासिल गरेका थिए ।

राजकोटमा इङ्ल्यान्डविरुद्धको तेस्रो टेस्ट म्याचको दोस्रो दिन अफ स्पिनरले इङ्ल्यान्डका ज्याक क्राउलीलाई आउट गरेपछि अश्विनले यो उपलब्धि हासिल गरेका हुन् । अश्विन यो उपलब्धि हासिल गर्ने विश्वका नवौं बलर बनेका छन् ।

अश्विनले ९८औँ टेस्टमा ५०० विकेट पुरा गरेका हुन् । उनी सबैभन्दा कम टेस्टमा ५०० विकेट लिने बलरको सूचीमा दोस्रो स्थानमा छन् । श्रीलंकाका मुथैया मुरलीधरनले मात्र कम खेल (८७) मा ५०० विकेट पूरा गरेका थिए ।

वानखेडे स्टेडियममा सर्वाधिक विकेट लिए
अश्विनलाई सबैभन्दा बढी विकेट भारतमै मिल्यो । त्यसमा पनि वानखेडे स्टेडियमले उनलाई सबैभन्दा बढी सफलता दिलायो । उनले मुम्बईको यो मैदानमा जम्मा ५ खेल खेलेर ३८ विकेट लिएका थिए । अश्विनले आफ्नो घरेलु मैदान चेपौक रंगशालामा ४ खेलमा ३० विकेट लिएका छन् ।

विदेशमा सबैभन्दा बढी विकेट अष्ट्रेलियामा
अश्विनले विदेशको कुरा गर्दा अस्ट्रेलियामा सबैभन्दा बढी विकेट लिएका छन् । उनले अस्ट्रेलियाको घरेलु मैदानमा कुल १० टेस्ट खेलेर ३९ विकेट लिए । यसबाहेक उनले श्रीलंकामा ६ टेस्टमा ३८ विकेट लिएका छन् । अश्विनले भारतमा ५८ खेलमा ३४७ विकेट लिएका छन् ।

अष्ट्रेलियाविरुद्ध सर्वाधिक विकेट
अश्विनले आफ्नो करियरमा अष्ट्रेलियाविरुद्ध सबैभन्दा धेरै विकेट लिएका छन् । अश्विनले अष्ट्रेलियाविरुद्ध २२ खेल खेल्दै ११४ विकेट लिएका छन् । योसँगै इंग्ल्याण्ड दोस्रो स्थानमा छ, जसविरुद्ध अश्विनले २२ खेलमा ९८ विकेट लिएका छन् ।

बेन स्टोक्स सबैभन्दा बढी शिकार बने
अश्विनले इङ्ल्यान्डका कप्तान बेन स्टोक्सलाई सर्वाधिक १२ पटक आफ्नो शिकार बनाए । गत महिना टेस्ट क्रिकेटबाट सन्यास लिएका अष्ट्रेलियाका ब्याट्सम्यान डेभिड वार्नर पनि ११ पटक अश्विनको बलमा आउट भएका थिए ।