काठमाडौँ । त्रिभुवन अन्तर्राष्ट्रिय विमानस्थलको भन्सार कार्यालयले उपप्रधान तथा रक्षामन्त्री पूर्ण बहादुर खड्काका भाइ डमर खड्कालाई केहीबेर नियन्त्रणमा लिएर छाडेको छ ।
भन्सार कार्यालयले विदेशबाट सुन ल्याएको भन्दै खड्कालाई नियन्त्रणमा लिएको हो । भन्सार स्रोतका अनुसार कतार एयरलाइन्सबाट बिहान सवा नौ बजे काठमाडौँ ओर्लिएका उनका साथमा अवैध सुन देखिएपछि भन्सारले नियन्त्रणमा लिएको थियो ।
केहीबेर नियन्त्रणमा राखेपछि माथिल्लो निकायबाट दबाब आएको भन्दै उनलाई ल्याएको सामान जफत गरी रिहा गरिएको थियो । भन्सार स्रोतका अनुसार पछि त्यो सामान समेत फिर्ता गरिएको थियो ।
खड्काले शरीरमा अस्वभाविक रुपमा गर–गहना पहिरिएर आएका थिए ।
