काठमाडौँ । बलात्कारको कसुरमा काठमाडौँ जिल्ला अदालतका एक अधिकृत पक्राउ परेका छन् । पक्राउ पर्नेमा काठमाडौँ जिल्ला अदालतका शाखा अधिकृत गोपाल गजमेर रहेका छन् ।
एक युवतीले गजमेरले आफूलाई बलात्कार गरेको भन्दै एक जाहेरी दिएपछि गोपाललाई प्रहरीले पक्राउ गरेको हो ।
प्रहरीका अनुसार बलात्कारको कसुर गरेको जाहेरी परेपछि गोपाल गजमेरलाई पक्राउ गरी अदालतबाट ५ दिनको म्याद थप गरि अनुसन्धान सुरु गरिएको छ । अहिले सो सम्बन्धमा अनुसन्धान भइरहेकाले थप केही खुलाउन नमिल्ने प्रहरीको भनाई छ ।
गजमेरविरुद्ध गत माघ २९ गते जिल्ला प्रहरी परिसर ललितपुरमा जबरजस्ती करणीको जाहेरी दर्ता भएको थियो । हाल गजमेरलाई पक्राउ गरी अनुसनधान भइरहेको प्रहरीले जनाएको छ ।
