काठमाडौं । कोशी प्रदेशमा सरकार विस्तार भएको छ । मुख्यमन्त्री केदार कार्कीले शुक्रबार ४ जना मन्त्री र २ जना राज्यमन्त्री नियुक्त गर्नुभएको छ ।
नवनियुक्त मन्त्रीहरुमा नेकपा माओवादी केन्द्रबाट नारायण बुर्जा मगर र राजेन्द्र कार्की रहनु भएको छ । त्यस्तै नेपाली कांगेसबाट प्रदीपकुमार सुनुवार र रामकुमार खत्री मन्त्री नियुक्त हुनु भएके छ भने कांग्रेसबाटै इन्दिरा थापा राज्यमन्त्री नियुक्त हुनु भएको छ ।
बुर्जामगरलाई खानेपानी, सिंचाइ तथा ऊर्जा मन्त्रालय र कार्कीलाई सामाजिक विकास मन्त्रालय ,खत्रीलाई उद्योग, कृषि तथा सहकारी र सुनुवारलाई स्वास्थ्य मन्त्रालयको जिम्मेवारी तोकिएको छ । कांग्रेसकी इन्दिरा थापा आर्थिक मामिला तथा योजना राज्यमन्त्री बन्नुभएको छ भने आन्तरिक मामिला तथा कानुन मन्त्रालयको राज्यमन्त्रीमा सुनिताकुमारी राम रहनु भएको छ ।
आर्थिक मामिला तथा योजना मन्त्रालय भने मुख्यमन्त्री कार्की स्वयमले राख्नु भएको छ ।
