एजेन्सी । भारतीय मोडल पूनम पाण्डे जिउँदै छिन् । अभिनेत्रीले शनिबार दिउँसो सामाजिक सञ्जालमा एउटा भिडियो शेयर गरेकी हुन् । क्यान्सर सम्बन्धी जनचेतना फैलाउन यो पब्लिसिटी स्टन्ट गरेको पूनमले बताइन् ।
शुक्रबार उनको निधन भएको भन्दै थुप्रै मिडियाहरुमा समाचार समेत प्रकाशित भएको थियो । भारतीय मात्र नभई नेपालका थुप्रै मिडियाले उनको निधन भएको भन्दै समाचार बनाएका थिए ।
यसअघि शुक्रबार बिहान ३२ वर्षीया मोडल तथा अभिनेत्री पूनम पाण्डेको मृत्युको खबरले सनसनी फैलाएको थियो । पूनमको मृत्युको कारण पाठेघरको मुखको क्यान्सर भएको बताइएको थियो । उनको टोलीले नै मृत्युको जानकारी दिए पनि ठोस जानकारी दिन सकेनन् ।
यस्तो अवस्थामा भारतीय सञ्चारमाध्यम दैनिक भास्करले यसको अनुसन्धान गरेको र पूनमसँग सम्बन्धित धेरैसँग कुरा गरेको जनाउँदै अनुसन्धानले पूनमका साथी, परिवार, नोकर, चालक र अंगरक्षकमध्ये कसैलाई पनि उनको बिरामी वा मृत्युको खबर नभएको पाइएको दैनिक भास्करले जनाएको छ ।
तर, पूनमको मृत्युको खबरलाई सत्य मान्न तयार नभएका धेरै सेलेब्स थिए । यसमा राहुल वैद्य, केआरके र सम्भावना सेठ जस्ता व्यक्तिहरूको नाम समावेश छ । जहाँ एकतर्फ राहुलले ट्विट गरेका थिए, ‘के म मात्र हुँ जसले पूनम मरेकी छैनन् भन्ने सोच्दछु’ भने अर्कोतर्फ केआरकेले यो पूर्णतया पूनमको पब्लिसिटी स्टन्ट भएको बताए ।
‘प्रेस विज्ञप्ति पछि, हामीले पुनमको पीआर टोलीलाई फेरि सम्पर्क गर्ने प्रयास गर्यौं । जवाफमा उनले मेसेज पठाए जसमा लेखिएको थियो, ‘हामीले पूनमको मृत्युको खबर बिहानै उनको परिवारबाट पायौं । हामीले उनको परिवारसँग सम्पर्क गर्ने प्रयास गरिरहेका छौँ तर उनीहरुबाट कुनै प्रतिक्रिया आएको छैन । अहिले सम्म उनको शव कानपुरमा रहेको सबैलाई थाहा छ ।’ दैनिक भास्करले भनेको छ । ‘यस विषयमा जानकारी लिन हामीले कानपुरमा उपस्थित हाम्रा रिपोर्टरलाई सम्पर्क गर्यौं । कानपुरमा अहिलेसम्म पूनम पाण्डे नामकी महिलाको शव फेला नपरेको उनले बताए । उनी त्यहाँको रिजेन्सी क्यान्सर अस्पताल पनि पुगेका थिए तर त्यहाँबाट कुनै जानकारी आएको थिएन ।’
सामाजिक सञ्जाल इन्स्टाग्राममा पूनमको आधिकारिक अकाउन्टबाट आफू जिउँदै रहेको भन्दै दुई वटा भिडियो समेत पोस्ट गरिएको छ ।
View this post on Instagram
