![](https://newspolar.com/wp-content/uploads/2024/02/pm-cup.jpg)
काठमाडौँ । छैटौं संस्करणको प्रधानमन्त्री कप एकदिवसीय राष्ट्रिय क्रिकेट प्रतियोगिताको फाइनल आज शनिबार हुँदैछ ।
उपाधिका लागि नेपाल पुलिस क्लब र त्रिभुवन आर्मी क्लबबीच प्रतिस्पर्धा हुँदैछ । खेल बिहान ९ः१५ बजे टियु क्रिकेट मैदानमा सुरु हुनेछ ।
जारी प्रतियोगितामा पुलिस अपराजित रहँदै शीर्ष स्थानमा रहेर फाइनल खेलेको हो । पुलिसले लिगका सबै ९ खेल जितेको छ । त्यस्तै, आर्मी ९ खेलमा ७ मा जित र २ मा हारसहित १४ अंकका साथ दोस्रो स्थानमा रहेर फाइनल खेलेको हो ।
दुई टोली लिग चरणमा भेट हुँदा आर्मी पुलिससँग १३ रनले पराजित भएको थियो । पुलिस दीपेन्द्रसिंह ऐरी र आर्मी विनोद भण्डारीको कप्तानीमा मैदानमा उत्रनेछन् ।
२०१९ मा पुलिस र २०२१ मा आर्मीले उपाधि जितेका थिए । सबै ६ संस्करणमा फाइनल खेल्ने आर्मी एक्लो टोली हो ।
प्रतियोगिताको विजेताले १० लाख र उपविजेताले ५ लाख प्राप्त गर्नेछन् । सर्वोत्कृष्ट खेलाडीले ५० हजार, उत्कृष्ट ब्याटर र बलरले समान २० हजार प्राप्त गर्नेछन् । यस्तै, उदयीमान खेलाडीले १० हजार प्राप्त गर्नेछ ।