![](https://newspolar.com/wp-content/uploads/2024/01/423537883_797925912363791_9193201701147885944_n.jpg)
काठमाडौं । जारी प्रधानमन्त्री कपमा नेपाल एपीएफ क्लबका चन्दन रामको उत्कृष्ट बलिङमा सुदूरपश्चिम प्रदेश ८७ रनमा अल आउट भएको छ ।
माथिल्लो मूलपानी क्रिकेट मैदानमा टस हारेर पहिला ब्याटिङको निम्तो पाएको सुदूर १६.२ ओभरमा अल आउट हुनुअघि जम्मा ८७ रन बनायो ।
सुदूरको लागि नारायण जोशी ३१ रनमा नट आउट रहे । उनले २५ बलमा ३ चौका र ३ छक्का प्रहार गरे । खड्क बोहरा २४ रन आउट हुँदा अन्य कुनैपनि खेलाडिले दोहोरो अंकमा रन बनाउन सकेनन् । सुदुरका मिलन बोहरा ८, राजु रिजाल ५, शेर मल्ल ५, नरेन भट्ट १ रन बनाएर आउट भए ।
सुदूरपश्चिमलाई सस्तैमा अल आउट गराउन एपीएफका तिब्र गतिका बलर चन्दन राम एक्लैले ५ विकेट लिए । आज मात्रै डेब्यू गरेका उनले ७ ओभरमा ५१ रन खर्चे । भुवन कार्कीले ३ विकेट लिँदा राहित पौडेलले २ विकेट लिए ।