![](https://newspolar.com/wp-content/uploads/2024/01/jhapad-saud.png)
कैलाली । सुदूरपश्चिम प्रदेश सरकारका सामाजिक विकासमन्त्री झपट साउदविरुद्ध प्रहरीमा उजुरी परेको छ ।
आफूले सापटी दिएको पैसा फिर्ता माग्दा ज्यान मार्ने धम्की दिएको भन्दै बझाङ बुंगलका धनबहादुर बोहराले मन्त्री साउदविरुद्ध जिल्ला प्रहरी कार्यालय कैलालीमा उजुरी दिएका हुन् ।
यस विषयमा मन्त्री साउदले भने ईन्कार गरेका छन् । उनले बोहरासँग कुनै लेनदेन नभएको र ज्यान मार्ने धम्की पनि नदिएको बताएका छन् ।
यस विषयमा आवश्यक अनुसन्धान तथा छानबिन हुने कैलाली प्रहरी प्रवक्ता डीएसपी कुलदीप चन्दले जानकारी दिए ।