कैलाली । सुदूरपश्चिम प्रदेशमा राष्ट्रियसभा निर्वाचनको मतगणना सुरु भएको छ । ३ बजे मतदान सकिएपछि सर्वदलीय बैठक बसेर मतगणना सुरु गरेको सहायक निर्वाचन अधिकृत प्रेम भट्टले जानकारी दिए ।
५३ प्रदेशसभा सदस्य रहेको सुदूरपश्चिममा ५२ जनाले मतदान गरेका छन् । त्यस्तै स्थानीय तहका १७६ जनप्रतिनिधिमध्ये १७३ जनाले मतदान गरेका छन् । धनगढी उपमहानगरपालिकाका मेयर गोपाल हमाल र भजनीका उपमेयर राजु तिरुवाले मतदान गरेनन् ।
सुदूरपश्चिममा तीन पदका लागि ६ जना उम्मेदवार प्रतिस्पर्धामा छन् ।
