काठमाडौँ । मधेश प्रदेशका प्रमुख ब्याटर अनिल शाहले जारी प्रधानमन्त्री कपमा गण्डकी प्रदेशविरुद्ध शतक प्रहार गरेका छन् ।
टियु क्रिकेट मैदानमा आक्रामक सुरुवात गर्दै अनिलले आफ्नो करिअरको पहिलो शतक पूरा गरेका हुन् । उनले १०४ बलमा ११ चौका र ३ छक्का सहित शतक पूरा गरे ।
अनिल जारी प्रतियोगितामा मधेशका लागि शतक प्रहार गर्ने दोस्रो खेलाडी हुन् । यसअघि सुदुरविरुद्ध मयनले १ सय १५ रन बनाएका थिए । यस प्रतियोगितामा यो आठौं शतक पनि हो । सबै शतक टियु क्रिकेट मैदानमा नै बनेका छन् ।
अनिल हाल यस प्रतियोगिताका दोस्रो सर्वाधिक रन बनाउने खेलाडी समेत हुन् ।
