काठमाडौँ । विश्वको प्रदूषित सहरको सूचीमा काठमाडौँ ‘टप टेन’ मा परेको छ ।
हावाको प्रदुषण मापन गर्ने एयर भिजुअल सूचक आइक्यू एयरको अनुसार काठमाडौं विश्वकै प्रदूषित सहरको सूचीको १० औँ स्थानमा परेको हो ।
काठमाडौँको हावाको प्रदूषण १ सय ६४ एक्यूआइ वल्ड ऐर क्वालिटी इन्डेक्सले देखाएको छ । हिउँदे वर्षा समयमा नहुँदा काठमाडौँको वायु गुणस्तरमा सुधार आउन सकेको छैन ।
एअर क्वालिटी इन्डेक्स (एक्यूआइ) १५० भन्दा माथि भएमा अस्वस्थकर मानिन्छ । एक्युआई ३०० भन्दा बढी हुनु निकै घातक भएको बुझिन्छ र यो अवस्थामा विपद घोषणा गरिनुपर्छ ।
भारतको दिल्ली वायु प्रदूषणको सहरमा नम्बर १ मा परेको छ । दिल्लीको हावाको गुणस्तर २ सय ८३ एक्यूआइ देखाएको छ ।
वायु गुणस्तर २ सय ५९ एक्यूआइ रहेको पकिस्तानको कराँची दोस्रो नम्बरमा छ भने क्रमश: भारतको कोलकत्ता तेस्रो र बंगलादेशको ढाका चौथोमा परेको छ ।
यस्तै हेर्जेगोभिनाको सरजेबो सहर पाँचौ, म्यानमारको योगनको छैठौँ , पकिस्तानको लाहोर सातौँ, भारतको मुम्बई आठौँर मंगोलियाको उलानबाटर नवौँ नम्बरमा रहेको छ ।
