काठमाडौं । यू-१९ विश्वकप क्रिकेटमा समुहचरणअन्तर्गतको आफ्नो दोस्रो खेलमा नेपालले आज पाकिस्तानसँग प्रतिस्पर्धा गर्दैछ । इस्ट लन्डनस्थित बफ्यालो पार्कमा हुनलागेको खे नेपाली समयानुसार दिउँसो १:४५ बजेबाट सुरु हुनेछ ।
यसअघि पहिलो खेलमा नेपाल न्यूजिल्यान्डसँग पराजित भएको थियो । पाकिस्तानले भने अफगानिस्तानलाई हराएको थियो ।
यसअघि यू-१९ क्रिकेट विश्वकपमा नेपाल र पाकिस्तानबीच तीन पटक खेल भएको छ । जसमा नेपाल र पाकिस्तानले एक एक खेल जितेको छ भने एक खेल अनिर्णित भएको छ ।
