एजेन्सी । अयोध्यामा रामलल्लाको प्राण प्रतिष्ठापछि मंगलबार २३ जनवरीदेखि मन्दिरमा सर्वसाधारणको दर्शन सुरु भएको छ । बिहान ३ बजेदेखि नै दर्शनका लागि भक्तजनको भीड लागेको थियो ।
रामलल्लाको दर्शन गर्न धेरै राज्यबाट मानिसहरु आएका छन् । मन्दिरको ढोका खुल्ने बित्तिकै भित्र जान मानिसहरुको भीड लागेको थियो ।
दिउँसो शयनका लागि बन्द गरिएका भगवान रामलल्लाको ढोका एक घण्टाअघि नै खोलिएको तथ्यबाट दर्शनका लागि भीड हुने भीडको अनुमान लगाउन सकिन्छ । रामलल्लाको शयन ढोका दिउँसो १२ः४५ देखि २ः१५ बजेसम्म बन्द हुने भए पनि भीडका कारण दिउँसो सवा१ बजे मात्रै खोलिएको थियो ।
साना–साना समूहमा मानिसलाई दर्शनका लागि पठाइएको छ । एक पटक सुरक्षा तोडेर मानिसहरु भागेका थिए ।
प्रशासनका अनुसार दिउँसो २ बजेसम्म साढे दुई लाख मानिसले दर्शन गरेका थिए । भीड नियन्त्रण गर्न ८ जना म्याजिस्ट्रेट खटाइएको छ । यसैबीच राम मन्दिरको गर्भगृहमा स्थापना गरिएको नयाँ मूर्तिको नाम बालकराम राखिएको छ ।
