पोखरा । पोखरामा जारी चौथो टाइगर कप भलिबलको उपाधि टिपटप हेल्प नेपाल स्पोर्ट्स क्लबले जितेको छ । शनिबार भएको फाइनल खेलमा हेल्प नेपालले आयोजक गण्डकी प्रदेशलाई ३–१ सेटमा हराउँदै उपाधि उचालेको हो ।
लिबल कोर्टमा पहिलो सेट २५–१३ मा जितेको हेल्प नेपालले दोस्रो सेट पनि २५–१८ मा आफ्नो पक्षमा पार्न सफल भयो । तेस्रो सेट भने गण्डकीले २६–२४ को जित निकाल्यो । तर, हेल्प नेपालले चौथो सेटमा २५-१७ मा जित निकाल्दै उपाधि जित्न सफल भयो ।
उपाधिसँगै हेल्प नेपालले ५ लाख ५५ हजार ५ सय ५५ रुपैया प्राप्त गरेको छ । दोस्रो भएको गण्डकी प्रदेशले २ लाख ५५ हजार ५ सय ५५ रुपैया पाप्त गरेको छ ।
यसैबीच टाइगर कप अन्तर्गत कै महिला भलिबलको उपाधि भने विभागीय टोली एपीएफ क्लबले जितेको छ । आजै भएको फाइनल खेलमा चन्द्रागिरी न्यु डायमण्डलाई सोझो सेटमा हराउँदै एपीएफ लगातार तेस्रो पटक उपाधि जित्न सफल रह्यो ।
उपाधिसँगै एपीएफले ५ लाख ५५ हजार ५ सय ५५ रुपैया प्राप्त गरेको छ । दोस्रो भएको न्यु डायमण्डले २ लाख ५५ हजार ५ सय ५५ रुपैया पाप्त गरेको छ ।
विसं २०७७ देखि सञ्चालन भएको प्रतियोगितामा महिला तथा पुरुष दुवैतर्फ छ-छ टोलीले सहभागिता जनाएका थिए । टाइगर ग्रुप अफ पोखरा नेपालको आयोजनामा यही माघ १ गतेदेखि प्रतियोगिता सञ्चालन भएको थियो ।
