काठमाडौं । राष्ट्रपति विद्यादेवी भण्डारीले संसदमा प्रतिनिधित्व गर्ने दलहरुको बैठक आह्वान गर्नु भएको छ ।
मंगलबार अपरान्ह ४ बजे राष्ट्रपति भवन शितल निवासमा बैठक आह्वान गरिएको राष्ट्रपतिका स्वकीय सचिव भेषराज अधिकारीले न्यूजपोलारलाई जानकारी दिनुभयो ।
बैठकमा नेकपा एमाले, नेपाली कांग्रेस, नेकपा माओवादी केन्द्र, जनता समाजवादी पार्टी, राप्रपा, नेपाल मजदुर किसान पार्टी र राष्ट्रिय जनमोर्चालाई निमन्त्रण गरिएको छ ।
सर्वोच्च अदालतले प्रतिनिधिसभा पुनस्र्थापना गर्ने तथा नेपाल कम्युनिष्ट पार्टी (नेकपा) को नामलाई अस्वीकार गरी पुरानै दल कायम गरिदिएपछि राजनीतिक वृत्तमा निकै तनावपूर्ण अवस्था सिर्जना भएको छ ।
नेकपा भित्रको विवादमा राष्ट्रपतिको भूमिका तटस्थ हुनुपर्नेमा त्यसो नभएको आरोप लागिरहेको अवस्थामा दलहरुसँग परामर्श गर्नुलाई सकारात्मक रुपमा हेर्नुपर्ने केहीको भनाई छ ।
