काठमाडौँ । मकवानपुरको मनहरी स्थित सुनाचुरिमा नेकपा (एकीकृत समाजवादी), नेकपा (माओवादी केन्द्र) एवम् नेपाली काँग्रेस परित्याग गरि २२ जना नेकपा (एमाले)प्रवेश गरेका छन् ।
आज आइतबार भएको एमाले ६ नम्बर वडा कमिटीको विस्तारित बैठकमा नवप्रवेशीलाई एमाले पोलिटव्युरो सदस्य देवी ज्ञवाली र एमाले सचेतक महेश वर्तौलाले टीका र खादा लगाएर स्वागत गर्नुभयो ।
नेकपा (एमाले)मनहरी गाउँपालिका कमिटीका अध्यक्ष नवीन सुवेदीले विस्तारित बैठकमा एकीकृत समाजवादी मनहरीका सचिवालय सदस्य गोरखनाथ श्रेष्ठको नेतृत्वमा ६ नम्बर वडा कमिटीको अध्यक्ष एवम् सचीवसहित सिंगो वडा कमिटी एमालेमा फर्किनु भएको जानकारी गराउनुभयो ।
अध्यक्ष सुवेदिले उक्त कार्यक्रममै नेपाली काँग्रेसको नेता फुलमाया जिम्बा, एकीकृत माओवादीको नेता कार्यकर्ताहरु गरि २२ जना साथीहरु एमालेमा प्रवेश गर्नु भएको जानकारी गराउनुभएको हो । सुवेदीले नवप्रवेशीहरुलाई बधाई व्यक्त गर्दै अबको वर्ग संघर्षको लडाईसँगै लड्ने र समाजवादको यात्रामासँगै रहने प्रतिबद्धता व्यक्त गर्नुभयो ।
एमाले प्रवेश गर्दै समाजवादीका नेता गोरखनाथ श्रेष्ठले आफूहरु घर झगडामा घर छाडेर गएको र यसले विकास विरोधी दक्षिणपंथी प्रतिकृयावादीहरुलाई फाइदा पुगेकोले आफूहरु एमालेमा फर्किएको बताउनुभयो ।
आजको विस्तारित बैठकमा एमाले मकवानपुरका नेताहरु बिरेन डिसि, लक्ष्मण उप्रेती लगायतको उपस्थिती रहेको थियो ।
