एजेन्सी । इन्डियन प्रिमियर लिग (आईपीएल) को मिनी लिलामी दुबईमा जारी छ । अस्ट्रेलियाका मिचेल स्टार्क आईपीएल इतिहासकै सबैभन्दा महँगा खेलाडी बनेका छन् ।
उनलाई कोलकाता नाइट राइडर्सले २४.७५ करोडमा किनेको थियो, गुजरातले पनि उनको लागि अन्तिमसम्म बोली लगायो ।
अनक्याप्ड ब्याट्सम्यान शुभम दुबे ५.८० करोडमा बिक्रि भए । राजस्थान रोयल्सले उनलाई टोलीमा भित्र्यायो । राष्ट्रिय टोलीमा खेल नखेलेका खेलाडीलाई अनक्याप्ड खेलाडी भनिन्छ ।
अस्ट्रेलियाका प्याट कमिन्स २० करोड ५० लाखमा बिक्रि भए ।
उनलाई स्टार्कभन्दा डेढ घण्टाअघि सनराइजर्स हैदरावादले किनेको थियो । यस लिलामीमा हर्षल पटेल सबैभन्दा महँगो भारतीय बने । उनलाई पञ्जाब किंग्सले ११.७५ करोडमा किन्यो ।
