काठमाडौँ । त्रिभुवन विश्वविद्यालयले ४९ औँ दीक्षान्त समारोह आयोजना गरेको छ । दशरथ रङ्गशालामा भएको दीक्षान्त समारोह को प्रमुख अतिथिम राष्ट्रपति रामचन्द्र पौडेल रहनु भएको छ भने त्रिविका कुलपति एवं प्रधानमन्त्री पुष्पकमल दाहाल ‘प्रचण्ड’ पनि सहभागी हुनु भएको छ ।
यस वर्ष १२ हजार चार सय १५ विद्यार्थी दीक्षान्त समारोहमा सहभागी भएका छन् । त्रिवि ग्रेसलिष्टमा परेका ७४ हजार सात सय ४९ विद्यार्थीमध्ये यसपटक १२ हजार चार सय १५ जनाले दीक्षान्त समारोहमा सहभागिताका लागि आवेदन दिएका थिए ।
यो वर्ष एमफील, स्नातकोत्तर तह र स्नातक तह गरी २६ जना विद्यार्थी विभिन्न विभूषणबाट विभूषित भएका छन् । उनीहरूलाई राष्ट्रपति तथा प्रधानमन्त्रीबाट प्रमाणपत्र तथा सम्मान पत्र प्रदान गरिएको छ । त्यस्तै, एमफील र पीएचडीतर्फ गरी एक सय १३ जना विद्यार्थीलाई समेत प्रमाणपत्र तथा सम्मान पत्र प्रदान गरिएको छ ।
फोटो : प्रदीपराज वन्त/प्रधानमन्त्रीको सचिवालय
