काठमाडौं । एसीसी १९ वर्षमुनिको एसिया कप क्रिकेटको उपाधि बंगलादेशले जितेको छ । आयोजक टोली यूएईलाई १ सय ९५ रनले हराउँदै बंगलादेशले उपाधि उचालेको हो ।
बंगलादेशले दिएको २ सय ८३ रनको लक्ष्य पछ्याएको यूएई २४ ओभर पाँच बलमा ८७ रन बनाउँदा अलआउट भयो । उसका लागि ध्रुव परासरले सर्वाधिक २५ रन बनाए । बंगलादेशका मरुफ मृधा र रोहनत दुल्लाह बोर्सोनले ३र३ विकेट लिए ।
यसअघि पहिले ब्याटिङ गरेको बंगलादेशले अशिक रहमान शिब्लीको शतकको मद्दतमा २ सय ८२ रन बनाएको थियो ।
बंगलादेशले भारतलाई तथा यूएईले पाकिस्तानलाई हराएर फाइनलमा स्थान बनाएका थिए । नेपाल भने समूह चरणबाटै बाहिरिएको थियो ।
