काठमाडौँ । भारतको जोगबनीमा गोली प्रहारबाट विराटनगरका एक जना युवक घाइते भएका छन् । विराटनगर महानगरपालिका वडा नम्बर ८का २८ वर्षीय निर्दोष संग्रौलामाथि गोली प्रहार भएको हो ।
प्रहरीका अनुसार निर्दोष आइतबार अपराह्नमा भारत गएका थिए । भारतको रेलवे स्टेशनबाट करिब १०० मिटर टाढा गोली प्रहार भएको हो । गोली प्रहार हुँदा त्यसको छर्रा निर्दोषको तिघ्रामा लागेको प्रहरीले बताएको छ ।
घाइते रहेका निर्दोष खतरामुक्त छन् । गोली प्रहार गर्ने व्यक्तिहरूको हालसम्म पहिचान हुन नसकेको प्रहरीले जनाएको छ ।
