एजेन्सी । स्पेनिस फुटबल लिग ला लिगा अन्तर्गत बार्सिलोनाले हार ब्यहोरेको छ । गएराति भएको खेलमा बार्सिलोना घरेलु मैदानमै जिरोनासँग ४–२ गोलले पराजित भएको हो ।
खेलको १२ औं मिनेटमा अर्टम डोवभीकले गोल गर्दै जिरोनालाई सुरुवाती अग्रता दिलाएका थिए । १९ औं मिनेटमा रोबर्ट लेवान्डोस्कीले गोल गर्दै बार्सिलोनालाई १–१ को बराबरीमा ल्याए ।
यता, ४० औं मिनेटमा मिग्वेल गुटिरेज, ८० औं मिनेटमा भेलरी फर्नान्डेजले र ९०+५ औं मिनेटमा क्रिस्टियन स्टुआनीले गोल गर्दै जिरोनालाई सानदार जित दिलाए ।
९०+२ औं मिनेटमा बार्सिलोनाका इल्काए गुन्डोवानले गोल गरेपनि उनको गोलले बार्सिलोनाले ४–२ गोलको हार ब्यहोर्यो ।
जितसँगै जिरोना अंकतालिकाको शीर्षस्थानमा उक्लिएको छ । उसको १६ खेलबाट ४१ अंक छ । ३९ अंकका साथ रियल मड्रिड दोस्रो स्थानमा रहँदा पराजित बार्सिलोना ३४ अंकका साथ चौंथो स्थानमा छ ।
